Samuel Koodal

വിവാഹ കൂദാശാ ഗാനം. കലഞ്ഞൂർ ,01aug 2013
___________________
1..ആദമിനവ്വാ ഇണയായി ,ആ ദമ്പതികൾ ഏദനിലായ്
രണ്ടല്ലവരന്നോന്നായി, ആദിമ പ്രേമം കുളിരായി!

2..ഒന്നും ഒന്നും രണ്ടെന്നേ ചൊല്ലൂ ഗണിതം ദൈയ്ദമതാൽ,
നീയാം മുന്തിരിയിൽ നാഥാ, ചില്ലകളിവരിനിയൊന്നായി!

3..നിത്യമണാളാ മശിഹാ, നീ ഇവരെ പുൽകണമലിവാലെ
സൽസന്താന സമൃദ്ധി സുഖം, മന്നാപോലിനിയേകുകമേൽ.

4..സ്നേഹമയാ, നിൻ കരളിലിവർ കടലിൽ മീനുകളെന്നതുപോൽ,
സതതം വാഴാൻ വാഴ്വുകളെ അനവരതം നീ അരുളണമെ .

5..സ്നേഹഗുരോ, നിൻ വചനസുധ ജീവാമ്രിതമായ് , കൃപമഴയായ്
ഇവരുടെ മാനസപുളിനങ്ങൾ നിറയാൻ ചൊരിയണമനുദിനവും
സാമുവൽ കൂടൽ .

ps .."ഏദന്തൊട്ടം നാട്ടോനെ നീയാണെൻ പ്രിയമണവാളൻ" എന്ന orthodox കാരുടെ വിവാഹകൂദാശാഗാനത്തിന്റെ ഈണത്തിലിതു പാടാം ... with regards , samuel koodal .

മണവാളനും  മണവാട്ടിക്കും വഴ്വിനായി ഒരു ഗാനം (ഓർത്തഡോൿസ്‌ ഹൂത്തോമോ  മട്ടിൽ)
----------------------------------------------------------------------------------------------------------------
1.    നീയാം മറവിൽ മരുവുമിവർ, നീയാം നിഴലിലുറങ്ങുമിവർ ; 
       നീ സങ്കേതവുമാശ്രയവും,  ആനന്ദാലോചനയും നീ .

2.    പൂർണ്ണതയാർന്നൊരു സ്നേഹം നീ, പൂർണ്ണമതായൊരു ത്യാഗം നീ ; 
       എകൂ ഇവരകതാരിൽ ദിനം ജീവനസ്വർപ്പുരമേറിടുവാൻ..

3.    സ്നേഹം ത്യാഗമതിന്നുറവ ! ത്യാഗം മോദപ്പനിമഴയായ് ;
        ഇവരുടെ കരളിൽ കിനിയണമേ,  ഇവർ നിന്നരുമസുതരാവാൻ...

4,     കാനാവിൻ കുറവുകളെ നീ നീക്കി മംഗളമാക്കിയപോൽ,
        മണവാളനുമീ മണവാട്ടീം നിറവിൽ നിറയണമനുരാഗാൽ..
                                                 ശുഭം 
  കലഞ്ഞൂർ,06/ aug / 2013.                                           സാമുവൽ കൂടൽ   
       ,     .