"ഒക്കാത്ത പോട്ടിൽ ഒരുകൊട്ട ആപ്പ്"

"ഒക്കാത്ത പോട്ടിൽ ഒരുകൊട്ട ആപ്പ്" എന്ന ചൊല്ലുപോലാ അല്മായശബ്ദവും, അതിലെ എഴുത്തുകാരും ..".നന്മ മാത്രം ചെയ്തവനെ കുരിശിക്ക" എന്നാർത്ത  വെറുംജനവും,അവരെ ളോഹയുടെ നിറമാറ്റംകൊണ്ടും,  കൂദാശക്കലാശം കൊണ്ടും മയക്കി അടിമകളാക്കിയ ,    ആനേമയക്കി കത്തനാരന്മാരും പിന്നെ പോരാഞ്ഞു  പാസ്സ്റ്റെർവ്രിന്ദവുമൊരുവശത്തു ,            മറുവശത്തൊരല്മായശബ്ദം ബ്ലോഗും, അതിന്റെ സത്യജ്വാലയും ..എവിടെജയം?..വെളിച്ചമകലെ അതുകൊണ്ട്, "ഇരുട്ടാണുണ്ണീ  സുഖപ്രദം" എന്നചൊല്ലോർക്കാം നമുക്കും ...കേൾപ്പാൻ ചെവിയില്ലാത്തീ മനനമില്ലാത്ത മനുഷ്യകോടികൾ നാം പറയുന്ന സത്യം എന്ന് അവരുടെ  കരളിൽ ഏറ്റുവാങ്ങും ? എന്നിരുന്നാലും അധർമ്മത്തിനെതിരെയുള്ള നമ്മുടെ  ഈ കുരുക്ഷേത്രയുദ്ധം നാം തുടരുകതന്നെ ചെയ്യും നമ്മുടെ  അവസാന നിശ്വസനം വരെ..ഇപ്പോൾ "പുരോഹിതന്റെ തെമ്മാടിത്തരവും ധിക്കാരവുംഅവസാനിപ്പിക്കുക"എന്ന് മാത്രം നമുക്ക് മുറവിളികൂട്ടാം,"മാറ്റുവീൻ ചട്ടങ്ങളെ" എന്നുറക്കെ നാം പറയാം  ...പിന്നീടാകാം കത്താവിന്റെ പ്രേമം അവന്റെ കരളിൽ കയറി ചികഞ്ഞടുക്കുന്നതൊക്കെ...മഗ്ദലനകാരി മറിയാമ്മക്ക്  മശിഹായൊടു ഗോപികമാരുടെ മനോഭാവമായിരുന്നു ..ഭക്തിയുടെ ഉന്നതിയിൽ അവളറിയാതെ രതി കലർന്നുപോവുക...(തന്റെ പാപങ്ങൾ മോചിക്കുന്ന കള്ളക്കത്തനാരോടു പള്ളിയിലെത്തുന്ന ഗോപാഗനകൾക്ക് തോന്നി, കത്തനാരുടെ തെറ്റിനടിമയാകുന്നതും) ....അദ്വയ്ത ഭാവമുണർന്നൊന്നാവുക ...അതുകൊണ്ടാണ് മറിയം തന്റെ  മുടി കൊണ്ട് തന്നെ , അവന്റെ കാലിണയിൽ  വീണ അവളുടെ  കണ്ണൂനീർമുത്തുകൾ പെറുക്കിയെടുത്തത് ..എന്നാൽ എന്റെ പൊന്നു നാഥനൊ....ശ്രീകൃഷ്ണന്റെ ഭാവം ...16008 ഗോപികമാരുടെയും പ്രേമം ഏറ്റുവാങ്ങുമ്പൊളും നിർവികാരനായി, നിർഗുണനായി  ഒന്നും ഏശാത്തമട്ടിൽ മേവിയതും ...ഈ ഭാവമായിരുന്നു എന്റെ മശിഹായിക്കും എന്ന് ഞാൻ വിശ്വസിക്കുന്നു...എന്റെ വിശ്വാസം ചിലപ്പോൾ തെറ്റായിരിക്കം..പക്ഷെ എനിക്കിപ്പൊളിതാണു സുഖം...അതിനാലെൻ പ്രിയരേ ,കർത്താവിനെ തൽക്കാലം വിടാം ,പകരം നമുക്ക്  കത്തനാരെ പിടിച്ചു നല്ലവനാക്കാൻ നോക്കാം..പറ്റിയാൽ പറ്റി അത്രേയുള്ളൂ അതും .. ഞാൻ എല്ലാ അർഥത്തിലും ബഹുമാനിക്കുന്ന നിങ്ങളോട് പറഞ്ഞന്നെയുള്ളൂ ..മാപ്പ് .ചിന്തിച്ചു വേണ്ടപോലെ ചെയ്താട്ട് ...മാപ്പ്...