നാറിയവന്റെ പേരുകൂടി നാവിലേറ്റരുതേ, നാവും നാറും !

കാലത്തികവിങ്കൽ ഫ്രാൻസിസ് മാർപാപ്പയെപോല, ക്രിസ്തുവിനെ കണ്ടറിഞ്ഞ ഒരു മെത്രാനെ മാത്രമേ ഇന്ന് മലങ്കരയ്ക്കു കാണാനാവൂ , അദ്ദേഹമാണ് ഫിലിപ്പോസ് മാർ ക്രിസോസ്റ്റം ! മാതാഅമൃതാനന്ദമായിയുടെ 64 ആം  പിറന്നാളാഘോഷത്തിനു പാവം മെത്രാൻ അമൃതാനന്ദന്താശ്രമത്തിൽ പോയത് അങ്ങമേരിക്കയിൽ ഒരു ''വാകീറിപാസ്റ്റർക്കു'' സുഖിച്ചില്ല പോലും ! ദാണ്ടെ മീഡിയയിൽകൂടി പാസ്റ്റർ മെത്രാച്ചനെ തെറിവിളിക്കുന്നു! കലികാലവൈഭവം! ആ നാറിയവന്റെ പേരുകൂടി നാവിലേറ്റരുതേ, നാവും നാറും !

സാത്താനാൽ വാഴ്ത്തപ്പെട്ട പാസ്റ്റർമോനെ, നിനക്കെന്നാത്തിന്റെ കേടാ..? ''ശത്രുവിനെസ്നേഹിക്കാൻ'' ക്രിസ്തു കല്പിച്ചതു നാളിതുവരെ നിനക്ക് ബോധിച്ചില്ല!; പോകട്ടെ ,''അയക്കാരനെ സ്നേഹിക്കാൻ'' നിനക്കാവുമോ?  പെന്തക്കോസ്‌കാരൻ  പെന്തക്കോസിനെ [സഹോദരനെ] സ്നേഹിച്ചാലതു ക്രിസ്തുവിന്റെ സ്നേഹമാവില്ല കുട്ടാ ! ''അൺ കണ്ടീഷണൽ ലവ് ഫോർ യുവർ കോ ബീയിങ് '' അതാണ് ക്രിസ്തീയത! ''നിന്നെപ്പോലെ നിന്റെ അയൽക്കാരനെ സ്നേഹിക്കൂ''..നീ ഇത്രയ്‌ക്കൊരു ചെറ്റയായിട്ടും നിനക്ക് മുടിഞ്ഞ സ്നേഹമല്ലേ നിന്നോട് ? അതുപോലെ അവനെയും സ്നേഹിക്കൂ എന്നാണു കുഞ്ഞേ. ക്രിസ്തുവിന്റെ ധ്വനി ! എന്റെ പോഴൻ പാസ്റ്റർമോനെ , നിനക്കു ക്രിസ്തുവിനെയും, അവൻ ലോകത്തിനു കാണിച്ചുകൊടുത്ത ''സ്നേഹമെന്ന ചങ്ങലയെയും'' കുറിച്ച് ഒരു പുട്ടും അറിയില്ല എന്നതാണ് നിന്റെ ഈ വാ നാറി കാസർത്തുകൊണ്ടു ലോകം മനസിലാക്കിയത് ! കഷ്ടം!  നീ ജനിക്കാതെയിരുന്നെങ്കിൽ എത്ര നന്നായിരുന്നു!?  

''അറിവിനെ അറിയാനൊരറിവ് വേണം'' ! കുഞ്ഞേ ,നിനക്ക് ക്രിസ്തുവിന്റെ സ്നേഹം അറിയണമെങ്കിൽ നിന്റെ ഇന്നത്തെയീ "ആത്മീകാന്ധത" മാറിയേ തീരു ..ഒരു പോംവഴിയെയുള്ളൂ..  ''വേദത്തിൽ ചേരുന്നെന്നും'' പറഞ്ഞു കുഞ്ഞിന്റെ ഏതോ ഒരപ്പച്ചൻ //വല്യപ്പച്ചൻ ക്രിസ്താനിയായില്ലേ ? അതിനു മുൻപ് അതിയാനൊരു വേദമുണ്ടായിരുന്നു! ഭാരതീയ വേദാന്തം ! 

''സവര്ണരെ ഭയന്നന്നു സനാതനമതം വീട്ടീ 
സ്രേയസെന്തെന്നറിയാത്ത സഭയിലെത്താൻ, 
ഭാരതത്തിന് ഉപനിഷത്തുപേക്ഷിച്ചെൻ വല്യപ്പച്ചൻ  
തലമുറയ്ക്കാത്മജ്ഞാന ദാഹമില്ലാതായ്!

മുലക്കരം കൊടുക്കുവാൻ പിശുക്കനെന് മുത്തച്ഛന്റെ 
മടി കാരണം ആ മനം മതം വെറുത്തു;
പിടിച്ചിട്ടഴിക്കും ജമ്പർ, അതു ഭയന്നെൻ മുത്തശ്ശി 
മതം മാറി പാതിരിതൻ വഴിക്കു വന്നു!"

അങ്ങിനാ കുഞ്ഞേ നമ്മളീക്കഞ്ഞികളായത്  ! നമ്മുടെ യഹോവ ""ഞാൻ ഒഴികെ അന്യദൈവങ്ങൾ നിനക്കു ഉണ്ടാകരുത്'' എന്ന് നമ്മോടു കല്പിച്ചപ്പോഴേ അതിയാന്റെ വെടിതീര്ന്നി! ബി ലോജിക്കൽ ! ലോകത്തൊരുപാട് ദൈവങ്ങളുണ്ടതിൽ ''നീയാരാ'' ''ഞാനാരാ'' എന്ന തിരിച്ചറിവ് നമുക്കില്ലാതെപോയി ! അതിനു കാരണം കുരുടന്മാരായ നിന്നെപ്പോലെയുള്ള പാസ്റ്റർമോൻമാരും ളോഹയിട്ടു നെറികേടുകാണിക്കുന്ന ശപിക്കപ്പെട്ട പൗരോഹിത്യവുമാണ്! ആ   കൂട്ടത്തിൽ തനിയെ നിൽക്കുന്ന ഒരു യുഗപ്രതിഭയാണ് മാർ ക്രിസോസ്റ്റം! ഓക്കേ! 

അയൽക്കാരിയെ അവളുടെ പിറന്നാളിന് ആശംസിക്കാൻ നൂറാംവയസിലും പോയി,അവളെ ആനന്ദഭരിതയാക്കിയ ആ പുണ്ണ്യമാനസനെ നിനക്ക് ഒരിക്കലും തിരിച്ചറിയാനാവില്ല ! കാരണം,

 "നന്മയിൽ നന്മയെ കാണാനുൾക്കണ്ണില്ല  
തിന്മയിൽ തിന്മയെ കണ്ടുമില്ല; 
നല്ലതെന്നായിരം ചിന്തകൾ കുറിയ 
കന്മഷ പാതയിൽ ഞാനലഞ്ഞു'' !

എന്നത് തന്നെ ..ആത്മീകാന്ധത! നിന്റെയുള്ക്കണ്ണു തുറക്കാൻ ''ഭഗവത്ഗീത'' നിന്നെ സഹായിക്കട്ടെ; ഭാരതത്തിന്റെ വേദാന്തരഹസ്യങ്ങൾ അവയുടെ ഉൾക്കരുത്ത് ലോകത്തിനു പകരുന്ന ''ഉപനിഷത്തുകൾ'' നിന്നെ സഹായിക്കട്ടെ !..എന്നല്ലാതെ മറ്റെന്തു പറയാൻ? സൊ,,വേഗം കക്ഷത്തിലെ ബൈബിൾ ഒന്ന്  താഴെ വച്ചിട്ട് ഗീത പാടൂ.. അപ്പോൾ നിനക്ക് ക്രിസ്തീയതയും ക്രിസ്തുവും അന്ന്യം നിന്ന് പോകുകയില്ല? വേഗമാകട്ടെ ..ഐ ലവ് യു ..samuelkoodal