''തിരുമേനി പീലാസായിൽ''!

''തിരുമേനി പീലാസായിൽ, തിരുരക്തമാ കാസായിൽ,
വചനമാം തിരുമേനി പിന്നേതു ളോഹയിൽ?
''തിരുമേനി" എന്ന് വിളിച്ചപമാനിക്കല്ലേ പാപം ,
സ്വയമറിയാത്ത മെത്രാൻ കുളിരണിയും!'' 

എന്ന് ഞാൻ വർഷങ്ങൾക്കു മുൻപേ എഴുതിയത് ഇതാ തിരുവല്ലയിൽ ഒരു  പുരോഹിതൻ അതിയാന്റെ മെത്രാന്റെ മുഖത്തുനോക്കി പാടിയപോലെ, എന്നാക്കി! ആ സഭയുടെ ആഗോള ഉന്നതാധികാര യോഗത്തിൽ, ഒരു ചുണയൻ കത്തനാര് മെത്രാപ്പോലീത്തായെ "മെത്രാൻ'' എന്ന് വിളിച്ചപ്പോൾ, കലിമൂത്ത മെത്രാൻ ചാടിയെഴുന്നേറ്റു  പാതിരിയോടാക്രോശിച്ചു , ''തിരുമേനീ'' എന്ന് വിളിക്കാൻ അരുളി ! പാതിരിയുടെനെ ആ അരുളിനെ ചുരുളിലാക്കി ''മെത്രാനെ 'മെത്രാനെന്നു' മാത്രമേ വിളിക്കാനാവൂ, ''തിരുമേനി'' കുരിശിൽ കിടന്നവൻ മാത്രമാണെന്ന്'' വെറും കത്തനാർമൂത്ത ആ മെത്രാനെ ബോധവൽക്കരിച്ചതു, ഇതര ക്രിസ്തീയ സഭകളിലെ പുങ്കൻ മെത്രാന്മാർ അറിഞ്ഞിരിക്കുന്നത് നന്ന്! 

''ആയിരം കന്യാസ്ത്രീകൾ പ്രസവിച്ചാലും ഒരു കത്തനാരും ശിക്ഷിക്കപ്പെടരുത്'' എന്നൊരു വാട്സാപ്പ് സന്ദേശം ഇവിടെ കാനഡായിൽ ടോറോന്റോയിൽ ഇന്നെനിക്കു കിട്ടി! പിന്നെയാരെയാണാവോ ശിക്ഷിക്കേണ്ടത് ?  പാവം കർത്താവിനെ തന്നെയോ? അറിവുള്ള മെത്രാന്മാർ ഉത്തരം പറഞ്ഞുതന്നാൽ കൊള്ളാം !

ചില സഭകൾ നവീകരണത്തിന്റെ ഭാഗമായി മഹിളകളെ ആരാധനാ സഹായികളായി (കപ്പിയരത്തി ) വി.മദ്ബഹായിൽ  കയറ്റി കാണിക്കുന്നതായും ചിത്രങ്ങൾ കണ്ടു  ! ''കുളിപ്പിച്ച് കുളിപ്പിച്ച് കൊച്ചിനെ ഇല്ലാതാക്കുന്ന'' നവീകരണക്കാരേ, ഈ സഭകളെ ആർക്കും നവീകരിക്കയുവാൻ ഒരുകാലത്തും ആവില്ല ! കാരണം, നാശം കാത്തിരിക്കുന്ന സഭയിലെ , സഭയുടെ നാശത്തിനായി അക്ഷീണം പരിശ്രമിക്കുന്ന പൗരോഹിത്യം നിന്ദിക്കപ്പെടാതെ, സഭ നവവീകരിക്കപ്പെടുകയില്ല! കാരണം സ്വർഗ്ഗസ്ഥനായ (ഹൃദയസ്തനായ) പിതാവിന്റെ സഭയിൽ, പുരോഹിതനും കപ്യാരും മെത്രാനും പോലീത്തായും പോപ്പുമില്ലതന്നെ! അവിടെ വിശുദ്ധിയുള്ള ഹൃദയങ്ങളും , പരോപകാരമെന്ന ആരാധനയും, ത്യാഗമെന്ന കുർബാനയും, സ്നേഹമെന്ന ലയനസംഗീതവും, ഹൃദയങ്ങളുടെ മൗനവും മാത്രമേയുള്ളൂ..വി മത്തായി 6 ഒന്ന് മനക്കണ്ണു തുറന്നു കണ്ണോടിക്കൂ ..samuelkoodal          canada  ,toronto        12 sep 2018