''പാപമില്ലാത്തവർ  കല്ലെറിയട്ടെ''! 

''നിങ്ങളിൽ പാപമില്ലാത്തവർ ഇവളെ ആദ്യം കല്ലെറിയട്ടെ '' എന്ന മിശിഹായുടെ വിധിതീർപ്പു തൊടുകുറിയാക്കി തുടങ്ങട്ടെ ഞാൻ ഈ കുറിമാനം!  ''പാപമാലിന്യങ്ങളിൽ നിന്നും പൂർണ്ണമായി സ്വാതന്ത്ര്യപ്പെട്ടവൻ തന്റെ ഏക ജാതനല്ലാതെ ഒരുവൻ പോലുമില്ല'' എന്ന വി. കുർബാനയിലെ സത്യവാങ് തൊട്ടു തുടങ്ങട്ടെ ഈ കുറിപ്പ് ഞാൻ ! 

ദൈവേശ്ചയാൽ കുറെ ആഴ്ചകളായി ദേശാടനം നടത്തുന്ന എന്റെ പിന്നാലെ ''മനസാവാചാകർമ്മണാ'' ഞാൻ ചെയ്തിട്ടില്ലാത്ത അതിക്രമങ്ങളുടെ വാറോലച്ചാർത്തുകൾ സോഷ്യൽ മീഡിയാകളിൽ  പടരുന്നത് കണ്ടു തെല്ലൊന്നന്ധാളിച്ചു ഞാനിതു ബഹുജന മനസാക്ഷിക്ക് മുൻപാകെ സമർപ്പിക്കുന്നു! 

''അവനെ കുരിശിക്ക'' എന്നാർത്തിടും നാദം 
പരിസരമെങ്ങും മുഴങ്ങിടുമ്പോൾ ,
''അവനെ കുരിശിക്കരുതേ'' ഏന്നൊരു നാവും 
കനിവാർന്നു ചൊന്നതില്ലാ ലാസറും! 

''കുരിശിക്കുവാനെന്തു കാരണം'' എന്നൊന്നും  
തിരയാതെ കുരിശിക്കാൻ ആർത്തിടുന്ന 
ജനമേ, നിനക്കന്ത;ക്കരണമില്ലാതാകാൻ 
അവനിൽ കാരണം കാണുകയില്ല !

അസുരജന്മങ്ങളേ, ;നന്മയെ കണ്ടിട്ടും   
തിന്മയായ് തോന്നുന്നൊരന്ധർ  നിങ്ങൾ ;
ശരിയെന്ന ബോധത്തിൽ തെറ്റുകൾ തലമുറ 
മതിവരാതിന്നും തുടർന്നിടുന്നു!''

എന്ന് 18/ 10 / 1995 അബുധാബിയിൽ വച്ച് പണ്ട് ഞാൻ കുരിശിതനെ ഓർത്ത് കേണ വിലാപഗാനമറിയാതെ ഓർത്തുപോയി!

മഹാപാപികളായിരുന്നിട്ടും എന്നും പൗരോഹിത്യം മറവിതന്നിരുളിലായ് ഒളിപ്പിച്ചവരുടെ പാപങ്ങൾ ജനത്തിന്റെമേൽ ചാർത്തി കൂദാശയെന്ന പാപമോചനവ്യവസായത്തൊഴിൽ  നടത്തി ചൂഴണം ചെയ്‌തെത് കണ്ടു കരുണതോന്നി കയറുകൊണ്ട് ചമ്മട്ടിയുണ്ടാക്കിയവനെ കുരിശു ചുമപ്പിച്ച പൗരോഹിതം ഇന്നും ആ തെറ്റ് വീണ്ടു തുടരുന്നതിൽ സങ്കടമുള്ളൊരു നർമ്മരസം ഞാൻ കാണുന്നു! 
സാമുവേൽകൂടലാകുന്ന ഞാൻ ഇന്നയോളം ഒരു വ്യക്തിഹത്യയും സ്വപ്നേനപോലും ആരെയും നടത്തിയിട്ടില്ല !  പകരം പൗരോഹിത്യം തലമുറകളായി പടർത്തുന്ന ആത്മീകാന്ധത ചൂണ്ടിക്കാണിക്കാൻ എന്റെ മനസ്സിൽ കാലം തെളിച്ച ആത്മപ്രകാശം കാണിച്ചുവെന്നതു പാപമാണെങ്കിൽ നിങ്ങൾ എന്നെയും കുരിശിക്കൂ...'അവനെ കുരിശിക്ക'' എന്നോരായിരം നാവുകൾ ഇനിയും ഉയരട്ടെ ! ആമ്മേൻ !    
 samuelkoodal newyork   29  sep  2018   9447333494