'ഇന്നസെന്റ്സ്' ആൻഡ് 'ഇഡിയറ്റ്സ്' !

സാദാജനം 'ജനനം മുതൽ മരണം' വരെ സ്വയം വിഢികളാകാൻ തയ്യാറാകുമ്പോൾ, അതു കാണാൻ കാലവും കണ്ണ് മിഴിച്ചു നോക്കി നിൽക്കേ, മത രാഷ്ട്രീയ കലാ രംഗങ്ങളിൽ കാപാലികർ താനേ കടന്നുകയറി, വയറ്റിപ്പാടിനുവേണ്ടിയല്ല പകരം അർത്ഥാർത്തി മൂത്തു സ്വയം 'ഇന്നസെൻറ്റീസ്' കളിക്കും നിച്ചയം! ഇതൊരു  കലികാല വൈഭവം !
മാരകമായ രോഗം വിഴുങ്ങി ശർദ്ദിച്ച പാഴ്ജന്മങ്ങൾ പോലും ദാനമായികിട്ടിയ പുനർജന്മത്തിൽപോലും തന്റെ കർമ്മം എന്തെന്നറിയാതെ, ധർമ്മം എന്തെന്നറിയാതെ. ഉഴറുന്ന ഈ നാടാണോ ദൈവത്തിന്റെ സ്വന്തം നാട് ? അല്ല സാത്താന്റെ കുടിയേറ്റഭൂമിയാണ് കേരളം! സ്വയം അറിയാത്ത, ആത്മസത്ത അറിയാത്ത, ''ആത്മീകത'' എന്തെന്നുകൂടി അറിയാത്ത, ദൈവത്തെ അറിയാത്ത ഭ്രാന്തന്മാരുടെ ഒരു കോലാഹല ഭൂമിയാണ് കേരളം ! സംശയമില്ല ! സ്വാമി വിവേകാനന്ദാ ... നമോവാകം !  കേരളമൊരു ഭ്രാന്താലയം !

എന്റെ അമ്മയുടെ ശവസംസ്കാരത്തിനു ഞങ്ങളുടെ കാതോലിക്കാ ബാവാ അന്ന് കോട്ടയത്തുനിന്നും കുടലിൽ വന്നത് എല്ലാവരും കണ്ടു; എങ്കിലും അദ്ദേഹത്തിന് കൂദാശപ്പണമായി ആയിരങ്ങൾ ഞാൻ കൈമുത്തു കൊടുത്തത് ആരും കണ്ടിരുന്നില്ല! ഞാൻ കൊടുക്കും അദ്ദേഹം വാങ്ങിക്കും രഹസ്യമായി!  ഇതുപോലെയുള്ള പരമ രഹസ്യങ്ങളുടെ വിളനിലമാണ് മത രാഷ്ട്രീയ കലാ രംഗങ്ങൾ ആകെ എന്നിരിക്കെ; ആർക്കാണിവിടെ അറിയാത്തതു ഒരു പതിനാറുകാരി ചാടിക്കയറി സൂപ്പർസ്റ്റാർ നായികയാകുന്നത് എങ്ങനെ എന്ന് !? ''കൈമടക്കിൽ കേരളം'', ''കൈകൂലിയിൽ മുങ്ങിത്താഴുന്ന കേരളം" എന്ന് മുദ്രാവാക്യം മുഴക്കുന്ന മീഡിയാകളെ , പെണ്ണിന്റെ നാണം മാറ്റുന്നത് കുറ്റമല്ലെന്ന് നാളെ കാക്കകൾ കരഞ്ഞാൽ നിങ്ങൾ അവയെ കല്ലെറിയുമോ? 

ഈ പരനാറി രഹസ്യത്തെ വെറും കവലയിലെ എംപി മാരെപ്പോലെ പാർലമെന്റിലെ എംപി മാര് പറഞ്ഞാൽ, "എംപി" എന്ന നാമം നാറും, ആ രാഷ്ട്രീയ പാർട്ടി നാറും, ഈ നാറിക്കുവേണ്ടി വോട്ടു ചെയ്ത പാഴ്‌ജനവും നാറും ! നമ്മുടെ നടന്മാരും നടിമാരും പുരോഹിതരും കന്യാസ്ത്രീകളും പാസ്റ്റർമോൻമാരും കപടകഷായക്കാരും "പാതിവൃത്യം " കണ്ടുപിടിച്ചവരാണെന്നു നമുക്ക് നാളെ നമ്മുടെ കുട്ടികളെ പഠിപ്പിക്കാം ''ഭഗവത് ഗീതയ്ക്ക്'' പകരം ! ജെയ്‌സിനിമാ... ജയ് മത രാഷ്ട്രീയങ്ങൾ ...സത്യം നശിക്കട്ടെ ..ഒരുകുറ്റവാളിയും ഇവിടെ ഇനിയൊരിക്കലും ശിക്ഷിക്കപ്പെടാതെയിരിക്കട്ടെ ...ഇരുട്ടാണുണ്ണീ സുഖപ്രദം !  samuelkoodal