പേരിലെ പരിണാമം !

'രത്‌നാകരൻ' വാത്മീകിയായെങ്കിൽ , 'ജയചന്ദ്രൻ' ഗുരു നിത്യചൈതന്യ യതി ആയി! ; എന്നതുപോലെയല്ല 'ബാബു കുരിയാക്കോസ്' സുപ്രീം മാർ ആർത്തിയോസ്‌ ആകുന്നതും , 'ഗോപാലകൃഷ്ണൻ' ദിലീപാകുന്നതും!  ജനിച്ചപ്പോൾ ദൈവകല്പിതമായി ലഭിക്കുന്ന തണ്ടപ്പേര് , തന്റെ പേരിനും പെരുമയ്ക്കും വേണ്ടി  പൗരോഹിത്യ / കലാലോകം മാറ്റുമ്പോൾ, ആ പേരിലെ ''പരിണാമ സിദ്ധാന്തം'' ജനനന്മയ്ക്കായോ തിന്മയ്ക്കായോ ആയി കല്പിച്ചതു എന്ന് കാലം കണ്ടറിയണം!  

''അകമേ അഴുക്കുചാലായിരങ്ങൾ ,പുറമേനി മനമോഹമതിമോഹനം;
വെള്ളയണിഞ്ഞ  ശവപ്പറമ്പിൻ ഉള്ളിലെ കൂരിരുളല്ലേ നിങ്ങൾ? എന്ന് പണ്ട് ക്രിസ്തു അന്നത്തെയെന്നല്ല എന്നത്തേയും പൗരോഹിത്യത്തെ ആക്ഷേപിച്ചപ്പോൾ , ഇന്ന് മലയാളികളാകമാനം ഇന്നലെയോളം നമ്മെ കലാരംഗത്ത് ഇക്കിളിപ്പെടുത്തിയ ജനനായകൻ നടനെ ഒന്ന് ഓർക്കാൻകൂടി ഓക്കാനിക്കുന്നു! 
പള്ളിയിൽ കുമ്പസാരിപ്പിച്ചു കർത്താവിനെ ശാപ്പിടാൻ വായിൽ  തന്ന പുന്ന്യാളനച്ചനെ രതിവൈകൃതങ്ങൾക്കായി കാലം കൈവിലങ്ങണിയിക്കുമ്പോൾ ആ കൈമുത്തിയ മുഖങ്ങൾ നാണിച്ചവശരാകുന്നു! ''go away from church ''  എന്നറിയാതെ അലറിപ്പോകുന്നു!

കോടമ്പാക്കത്തു സിനിമയിൽകൂടാൻ പോയവളുടെ മാതിരിയാണ്, കർത്താവിന്റെ മണവാട്ടിയാകാൻ തലമുടി വടിച്ചുകളഞ്ഞവളും ! സിനിമയിലെ ആൺകഴുകന്മാരും പൗരോഹിത്യത്തിന് ''വരി '' എടുക്കാത്തവരും  കൂടി പാവം പെണ്മയുടെ ഭാവശുദ്ധി ടോയ്‌ലെറ്റിൽ ഒഴുക്കിക്കളഞ്ഞ! കാലം പൊറുക്കാറില്ല കത്തനാർ / സൂപ്പർ സ്റ്റാറുകളേ.... നിങ്ങൾ കപടതയിലൂടെ നേടിയെടുത്ത അർഹിക്കാത്ത രാജകീയ അംഗീകാരങ്ങളും സ്തുതി പുകഴ്ചകളും നാളെ കാറിത്തുപ്പലുകളായി നാടാകെ നാറ്റും! 

''ആമ്മേൻ'' എഴുതിയ പഴയ കർത്താവിന്റെ മണവാട്ടി ജാസ്മിന്റെ കൈരളി ടീവിയിലെ തുറന്ന കുമ്പസാരം പോലെ നാല് നടികൾ  ഒന്ന് കുമ്പസാരിച്ചിരുന്നെങ്കിൽ എന്ന് വെറുതെ മോഹിക്കുവാൻ മോഹം! അപ്പോൾ ബഹുമതികൾ അപമതികളാകും ! samuelkoodal