പ്രിയാത്മരേ,

ആത്മാവിന് കാതിലൂടെ  എന്നോടെന്നിലെ ബോധചൈതന്യമായ 'യൂണിവേഴ്സൽ കോൺസിയസ്‌നെസ്സ്' ഓതിത്തന്ന സത്യങ്ങൾ യാതൊരു ഭയവും ശങ്കയുമില്ലാതെ പകർത്തിക്കുറിച്ച രണ്ടു പുസ്തകങ്ങളാണ് "സാമുവലിന്റെ സുവിശേഷം - ഒന്നാം ഭാഗം' & 'സാമുവലിന്റെ സുവിശേഷം - രണ്ടാം ഭാഗം''

ഇതിൽ, എന്നെക്കൊണ്ട് കാലം പ്രതിപാദിപ്പിച്ച നഗ്നസത്യങ്ങളാണ് ഇന്ന് നാടായനാടൊക്കെ ''കള്ളന്മാരുട ഗുഹകളിൽ'' നാണമില്ലാതെ  നടമാടുന്നതും! ദൈവത്തെ ഭയവും മനുഷ്യരെ ശങ്കയുമില്ലാത്ത പൗരോഹിത്യം, വീര്യംകൂട്ടി ഉണ്ടാക്കിയ കുർബാനവീഞ്ഞു മൂക്കുമുട്ടെ കുടിച്ച  ലഹരിയിൽ, മൂറോൻ പുരട്ടിയ തീപ്പെട്ടിയുമായി, സഭയുടെ കൊടിക്കൂറ കഴുത്തിൽ കോണകം കെട്ടി, ആത്മഹൂതിചെയ്യാൻ വെമ്പുന്ന മുട്ടനാടിനെയും, കർത്താവിന്റെ കയറുകൊണ്ടുള്ള ചമ്മട്ടിക്കു പകരം, കയറുകൊണ്ട് ഉണ്ടാക്കിയ കുരുക്കു കഴുത്തിലഞ്ഞു, പള്ളിമേടയില്കയറി കലിതുള്ളി ആത്മഹത്യക്കു ഒരുങ്ങുന്ന പെണ്ണാടിനെയും നാം മനം കുളിർക്കെ കണ്ടു!  ഹിന്ദുമൈത്രി  കോരിത്തരിച്ചു ; മറ്റുസഭക്കാർ ഹല്ലേലുയ്യാ പാടി! 

''കണ്ടു കണ്ടു കണ്ടില്ല, കേട്ടു കേട്ടു കേട്ടില്ല'' എന്ന സിനിമാഗാനം പോലെ, ''ഈ ജനം [നിങ്ങൾ] കണ്ണുണ്ടെങ്കിലും കാണുന്നില്ല, ചെവിയുണ്ടെങ്കിലും കേൾക്കുന്നില്ല " എന്ന മിശിഹായുടെ വിതുമ്പൽ പോലെ, എന്തെ ഇനിയും പൗരോഹിത്യം നയിച്ച ആത്മീകാന്ധതയിൽ കിടന്നു മരിച്ച തലമുറകളെ പിൻപറ്റാൻ ഇത്രയാവേശം ഈ തലമുറയ്ക്കും ?

മാറ്റുവിൻ ചട്ടങ്ങളെ,  മാറ്റുവിൻ കിത്താബുകളെ, മാറ്റുവിൻ  ദുരാചാരങ്ങളെ,  മാറ്റുവിൻ അന്ധവിശ്വാസങ്ങളെ, മാറ്റുവിൻ ഈ ആത്മീകാന്ധതയെ ...മാറ്റുവിൻ മാറ്റമില്ലായ്മയെ!


ലോകമേ, 'ബൈബിളിനൊപ്പം'   'ഭഗവത് ഗീത' പഠിക്കൂ...ദാവീദിന്റെ [ക്രിസ്തുവിനു നിരക്കാത്ത ] സങ്കീർത്തനങ്ങൾക്കൊപ്പം രാമായണക്കിളിപ്പാട്ടും പാടിത്തുടങ്ങൂ!  കാലമേ, സോളമന്റെ ഗീതികൾക്കൊപ്പം മഹാ ഭാഗവതം പാരായണം ചെയ്യൂ അകക്കാമ്പ് തെളിയാൻ!  ക്രിസ്തുവിനെ [കത്തനാര് കാട്ടിത്തന്ന ക്രിസ്തുവിനെയല്ല] കാലത്തിനു വിശ്വസ്നേഹത്തിന്റെ വന്മതിൽ തീർത്ത നാസറായനെ നേരിൽ  കണ്ടറിയാൻ!  വേഗം വേഗം വേഗം!  samuelkoodal  9447333494