ഇന്നലെ ടീവിക്കാർ '' കർദ്ദിനാൾ കള്ളം പറയുന്നു " എന്നാഘോഷിച്ചു!

എന്നാൽ എന്നാണീ കർദ്ദിനാൾ സത്യം പറഞ്ഞതെന്ന്  ഒരു വാർത്താചാനലിലും ആരുമിന്നയോളം പറഞ്ഞുമില്ല! വായ് തുറന്നാൽ നുണ മാത്രം പറഞ്ഞു പഠിച്ചവരാണ് പുരോഹിതർ! [ഭുജിക്കാനും ഭോഗിക്കാനും നുണ പറയാനും മാത്രം വായ് തുറക്കുന്ന ജീവികൾ!] 

ഏതോ ചിലർ ചില നൂറ്റാണ്ടുകളിൽ ചില സത്യങ്ങൾ  പറഞ്ഞുകാണുമായിരിക്കാം ! പക്ഷെ നമ്മുടെ നസരായനതു ഒട്ടും അംഗീകരിക്കുന്നില്ല! അവനോ ഇവരെ ''വെള്ളതേയ്ച്ച ശവക്കല്ലറകളെന്നും'' ''കള്ളന്മാരെന്നും'' ഒക്കെ വിളിച്ചെക്കാലവും അപമാനിച്ചിരുന്നു, ശപിച്ചിരുന്നു! അവരുടെ ഉപജീവനത്തിനായി അവർ ജനത്തെക്കൊണ്ടു പണിയിച്ച യരുശലേം ദേവാലയത്തെ, അതിമനോഹരങ്ങളായ പള്ളികളെ വെറും "കള്ളന്മാരുടെ ഗുഹകളെന്നു" യേശു വിളിച്ചാക്ഷേപിച്ചിരുന്നു! ഇപ്പോഴാണതിന്റെ 'ഗൂഡ്ഡൻസു' പിടികിട്ടിയത്! ഹല്ലെലുയ്യ,യേശുവേ, സ്തോത്രം, യേശുവേ, നന്ദി !

കർത്താവിനെ നിന്ദിച്ചു പള്ളിയിൽ പോയതുകാരണം, പൗരോഹിത്യത്തിന്റെ  കൂദാശക്ക്കെണികളിൽ അകപ്പെട്ടു സത്യദൈവത്തെ സ്വയമുള്ളിൽ ഒരിക്കലും അറിയാതെ കടന്നുപോയ നമ്മുടെ തലമുറകളെയോർത്തിന്നു നമുക്ക് വിലപിക്കാം! വരും തലമുറകളെ ഇവരുടെ ചൂഷണത്തിനായി പള്ളിക്കു വിട്ടുകൊടുക്കുകയില്ല എന്ന് ക്രിസ്തുവിന്റെ കുരിശിനെ സാക്ഷിയാക്കി നമുക്കിന്നു സത്യം ചെയ്യാം!

ഒരു മണവാട്ടി മണവാളനല്ലാത്തവന്റെ അതിപീഢനത്തിനു പലകുറി  ഇരയായപ്പോൾ, അതിദാരുണമായി അവൾ കരഞ്ഞപ്പോൾ കണ്ണുതുറക്കാത്ത കുട്ടിദൈവങ്ങളാണീ പൗരോഹിത്യമേല്കോയ്മ! ഒടുവിലവളുടെ മെയ്യഴക് വഴുതിത്തീർന്നപ്പോൾ "വീട്ടിലേക്കു പോകു" എന്നാ അപമാനിതയായ അബലയോടെ അതിക്രൂരമായി ആജ്ഞാപിച്ച  കഠിനഹൃദയനായ കുപ്പായക്കാരാ , നീ കള്ളൻതന്നെ, കൊള്ളക്കാരൻ തന്നെ, നിനക്ക് ഹാ കഷ്ടം! നിന്റെ പാപത്തിന്റെ കറപുരണ്ട   കൈകളാൽ അവതരിപ്പിച്ച സകല കൂദാശകളും അശുദ്ധം തന്നെ! അശുദ്ധനെ, നിന്റെ അശുദ്ധതയിൽ നീ പ്രശംസിക്കുന്നത് എന്തുകൊണ്ട്? മൂഡാ, അവസാനനാളിലെ ന്യായവിധിനേരം  നിനക്കൊരു രക്ഷകനില്ലാതെയായല്ലോ! ഹോ ദയനീയം!        
 samuelkoodal 9447333494  [20  ജൂലൈ  2018 ]