ദൈവഭയമില്ലാത്തിടത്ത് അതിഭയം വരും !

ദൈവത്തെ ഭയവും മനുഷ്യരെ ശങ്കയുമില്ലാത്ത പൗരോഹിത്യത്തിന്, കർമ്മഫലത്തിന്റെ 'രാമായണ കർക്കിടകത്തിൽ', അതിഭയവും അപമാനവും വരുന്നു! ''വേലയ്ക്കു വരമ്പത്തുകൂലി'' എന്ന കർക്കിടകസിദ്ധാന്തത്തിനു മുന്നിൽ, അവരുടെ കുമ്പസാരക്കൂടുകളും ജല്പനകൂദാശകളും കാലാന്തര ഗുഹകളിലേയ്ക്ക് വലിച്ചെറിയപ്പെടുന്നു! 

ക്രിസ്തുവിനെ ഒറ്റിക്കൊടുത്ത ''കൂദാശപ്പണം'' കൈവശമുള്ളതിനാൽ,  നീതിയും ഭരണകൂടങ്ങളും ഈ നിക്രിഷ്ട ജീവികളെ ഇന്നും കൈകൂപ്പി വണങ്ങുന്നുവെന്നാലും, നാളെ പുലരുമ്പോൾ ഇവർക്കായി ജയിലറകൾ തുറക്കപ്പെടും നിശ്ചയം!

വീട്ടിലും നാട്ടിലും കൊള്ളരുതാത്ത ''എമ്പോക്കി ചെറുക്കൻ''   സെമിനാരിയിൽ കയറിക്കൂടി കുപ്പായത്തിലായപ്പോൾ അവൻ പുരോഹിതനായി; സ്വയമവൻ അഹങ്കാരത്തിന്റെ, ആഭാസങ്ങളുടെ 'ഹോൾ സെയിൽ ഡീലറായി'! പൗരോഹിത്യം ആത്മീകാന്ധതയിൽ കുഴിച്ചുമൂടിയ തലമുറകളേ, നിങ്ങൾ മനുഷ്യജന്മങ്ങളായി വീണ്ടും ഉയിർത്തെഴുനേൽക്കുവീൻ, ഈ പൗരോഹിത്യ കപടതയെ, ഇവരുടെ ദുഷ്പ്രഭുത്വത്തെ, ശാപത്തിന്റെ മണ്ണിലെ തെമ്മാടിക്കുഴിയിൽ കുന്തിരുക്കവും കൂദാശയുമില്ലാതെ മൂടുവാനായി ! 

അർത്ഥമില്ലാത്ത അർത്ഥങ്ങൾക്കായി പൗരോഹിത്യത്തിന്റെ അനീതിക്ക് കുടപിടിക്കുന്ന പള്ളിപ്പരിശരേ, പള്ളിദാദാക്കളേ നിങ്ങളുടെ ചാനൽചർച്ചകളും സിന്ദാബാദുവിളിയും കാരണം, മനനമുള്ള മനുഷ്യരാൽ നിങ്ങളെന്നും വെറുക്കപ്പെട്ടവരും ശപിക്കപ്പെട്ടവരുമായി തീരുന്നതിനാൽ, മരണംവരെ നിങ്ങൾ വിലപിപ്പീൻ.. samuelkoodal   9447333494 [28  ജൂലൈ 2018 ]    ,