കുർബാനയ്‌ക്കും കരിങ്കൊടി !

ദേ, മാന്നാത്തൊരു ഓർത്തഡോൿസ് പള്ളിയിൽ കറുത്ത ബാഡ്‌ജും ധരിച്ചു ജനം പള്ളിയിൽ! ആരും കർത്താവിൽ നിദ്ര പ്രാപിച്ചിട്ടല്ല, മെത്രാൻ  ചത്തിട്ടല്ല , പൗരോഹിത്യത്തിന്റെ മരണമൊഴി എടുക്കാനാണ് ജനം പള്ളിയിൽ പോയത്! തിരുവല്ലയിൽ പള്ളിമുറ്റത്ത് യുവജനം പള്ളിക്കും പൗരോഹിത്യത്തിനും നേരെ 'മുർദാബാദ്' വിളിച്ചു കുർബാന അലങ്കോലപ്പെടുത്തുന്നു! യേശുവേ, സ്തോത്രം .. നിന്നെ പരിഹസിച്ച പൗരോഹിത്യം , നിന്നെ ദിനവും കുരിശിച്ച പൗരോഹിത്യം ഇന്നിതാ ശരശയ്യയിൽ കിടക്കുന്നു, മരണമെത്തുന്ന നേരവും കാത്തു!

''കണ്ണുണ്ടായിട്ടും ഇവർ കാണുന്നില്ല ,എന്റെ ജനം കാതുണ്ടായിട്ടും കേൾക്കുന്നുമില്ല'' എന്ന നിന്റെ മൗനനൊമ്പരം ഞാനറിയുന്നു നാഥാ ...
"പ്രാർത്ഥിക്കാൻ കപടഭക്തരെപോലെ നിങ്ങൾ പള്ളികളിൽ പോകരുതെന്ന'' നിന്റെയരുൾ ഇന്നയോളം ഇവറ്റകൾ വായിച്ചിട്ടുമില്ല, വി.മത്തായി ആറിന്റെയഞ്ചിൽ! ഈ ജനത്തിനും അയ്യോ കഷ്ടം!

ഈ ഉടായിപ്പു പാസ്റ്റർമോനെയും കപടത മുങ്ങിത്തപ്പുന്ന ആഭാസ പൗരോഹിത്യമാകെ  മ്ലേച്ഛമെന്നു മണത്തറിയാൻ നായയുടെ ഘ്രാണശക്തി, നീ നിന്റെ ജനത്തിനു കൊടുക്കുമാറാകേണമേ .. ആശിക്കുന്നു! ..samuelkoodal 9447333494 [21  ജൂലൈ 2018 ]