ചാനലുകളിൽ ചർച്ചയല്ല, ''വായാട്ടുക്കൂട്ടത്തല്ല്‌''!

ഇന്നലെ ഏഷ്യാനെറ്റിൽ ശ്രീ.ബിനുജോൺ ആൻഡ് പാർട്ടിയുടെ ചെവിതകർപ്പൻ കോലാഹലക്കച്ചേരി നമ്മുടെ പാവം രാഷ്ട്രീയ നേതാക്കളുടെ ധൂർത്തിനെച്ചൊല്ലിയായിരുന്നു! നാലുപേരല്ലേ ഒരേനിമിഷമൊന്നിച്ചു കാച്ചുന്നതു? ചെവി താങ്ങുമോ? മടുത്തപ്പോൾ ചാനൽ മറ്റി! എന്നാലേ, ഈ മിടുക്കൻ ബിനുവൊക്കെ ക്രൈസ്തവ മതനേതാക്കളുടെ ദൈവം പൊറുക്കാത്ത ആര്ഭാടധൂർത്തൊരുനാൾ വിഷയമാക്കിയിരുന്നെങ്കിൽ ആയിരം അച്ചയ പൊട്ടന്മാരുടെ അകക്കണ്ണ് തുറന്നു പോയെനേം, എന്നാശിച്ചുപോയി ! 

രാഷ്ട്രീയനേതാക്കൾ ഒരു പുരുഷായുസിൽ എത്ര സമ്പാദിച്ചുയെന്ന കണക്കെടുക്കുന്ന ഈ വിദ്വാന്മാർ, വെറും നാലാംക്ലാസ്സും ഗുസ്തിയും കൈവശമുള്ളവൻ കാതോലിക്കായായപ്പോൾ, ബെൻസ്സ്കാറിനു   വേണ്ടിമാത്രം, സഭയുടെ എത്ര കോടികൾ ധൂർത്തടിച്ചു എന്നൊരു വിവരം ഏതെങ്കിലും വിവരാവകാശ കമ്മീഷനിൽ നിന്നും വാങ്ങി, ഈ  ആടെന്ന മൂളയില്ലാത്ത ജനത്തെ ഒന്ന് ധരിപ്പിക്കാമോ പ്ളീസ് ?

ഓലമേഞ്ഞ വീടുകളിൽനിന്നും അരമനകളിലേക്കുള്ള ഇവറ്റകളുടെ എടുത്തുചാട്ടം, കാലിത്തൊഴുത്തിലെ ''എളിമയെ'' പുശ്ചിക്കുന്ന ഈ അഹമ്മതി, കാലമെത്രനാൾ ഇനിയും സഹിക്കും ? ഇതിനെയാണോ ''സഹനം'' എന്നു വിളിച്ചൂ ഇവർ ഹാശാആഴ്ചതോറും ആക്ഷേപിക്കുന്നതും?!
    
കേരളം ഭരിക്കാൻ 144 MLA മാര്, അതിൽ കുറേ മന്ത്രിമാർ, അവരിലൊരു മുഖ്യൻ ! തീർന്നില്ലേ ? എന്നാൽ  കേരളത്തിലെ ''ന്യൂനമർദ്ദമെന്ന''ക്രിസ്തീയ സഭകളിൽ ഈ ഇത്തിരിപ്പോന്ന ജനം തീറ്റിപ്പോറ്റേണ്ടത് എത്ര സഭകളിലെ എത്ര വാവാമാരെ? എത്ര കർദ്ദിനാൾ //മേജർ ആർച്ചു//ബിഷോപ്പൻമാരെ?എത്ര കത്തനാരന്മാരെ ? എത്ര കോറെപ്പികളെ & റമ്പാന്മാരെ ? എതിർകക്ഷിയിലെ കാക്കത്തൊള്ളായിരം സഭകളിലെ പാസ്റ്റർമോൻമാരെ മാത്രം എത്രയായിരം ? 

ഈ ചൂഷകർക്കു തൊഴിലവസരം&[ഇടം] മോഡിയിലാക്കാൻ കോടാനുകോടികൾ ധൂർത്തടിച്ചു എത്രകോടി പള്ളികളും [കള്ളന്മാരുടെ ഗുഹകളും] വിശ്വാസ കൊട്ടാരങ്ങളും ഈജനം പണിതു?കുരിശുകൃഷിക്കായി എത്ര കോടികൾ ചിലവാക്കി ?കേരളത്തെ സ്നേഹിക്കുന്ന പ്രീയ ചാനലുകാരെ, ഒന്ന് കണക്കെടുക്കാമോ? തമാശയല്ല കേരളത്തിലെ സമ്പത്തുവ്യവസ്ഥയാകെ പൂവണിയും!

 ഒരുമെത്രാന് ഒരുദിവസം എത്ര കൂദാശകോഴപ്പണം കിട്ടുമെന്നൊന്നു പറയാമോ? ഏതു ബ്ലെയിഡ് മാഫിയായിലിത് ഈ പണം സൂക്ഷിക്കുന്നു? ഒരു കാതോലിക്കായെ കാലനെടുത്തപ്പോൾ കോടികളാണ് വാവയുടെ കട്ടിലിന്റെ കീഴിൽ നിന്നുമാത്രം അതിയാന്റെ ''ഉപഗ്രഹങ്ങൾ'' അന്ന് കണ്ടെടുത്തത്! ആരോടും പറയരുതേ,നാണക്കേടാ! ദൈവം വെറുത്ത വെറും ആർത്തിയോസുകൾ! പിന്നീടിതുങ്ങളെ പുന്ന്യാളരാക്കി പദയാത്രാമത്സരം നടത്തുന്ന കുരുടന്മാരായ വഴികാട്ടിപാതിരിമാർ വേറെ ഏറെ !

ഈ കപടവാഴ്ചക്കാരെ, [ഇല്ലാത്ത സ്വർഗ്ഗത്തിന്റെ പേരിൽ] ഈ ആടുകൾ പേറുന്ന ഭാരം ഒരുകോടി മരക്കുരിശുകൾക്കു സമമാകുമോ? അച്ചായാ, നിനക്കെന്നിതു പിടികിട്ടും? ''പ്രാർത്ഥിക്കാൻ പള്ളിയിൽ ഒരുനാളും പോകരുതെന്ന്'' നമ്മെ കാലേകൂട്ടി വിലക്കിയ കർത്താവെത്ര ബുദ്ധിമാൻ!? ഒന്നാലോചിച്ചേ പ്ളീസ് ! എങ്കിൽ നീയും നിന്റെ തലമുറയും രക്ഷിക്കപ്പെടും നിശ്ചയം! samuelkoodal 9447333494    ..