''മാറ്റുവീൻ വേഷങ്ങളെ''
പൗരോഹിത്യത്തിന്റെ ദൈവനിഷേധവും അനീതിയും  കണ്ടു മടുത്ത ലക്ഷണമാണ് ഇന്ന് മീഡിയാകൾക്കു! കത്തനാരുടെ വോട്ടുബാങ്കും, പണക്കൊഴുപ്പും കണ്ടു കണ്ണുതള്ളി, ആ വിഷവിത്തുകളുടെ വിഴിപ്പുതാങ്ങികളായ മീഡിയാകളിൽ അച്ചടിച്ചുവന്ന " open church " എന്ന ആശയം കൊള്ളാം ! പക്ഷെ ഇത് ക്രിസ്തീയമല്ല ! കാരണം ക്രിസ്തുവിനു പള്ളിയേ വേണ്ട ! വി. മത്തായി ആറിന്റെ അഞ്ചുമുതൽ ഈ വിഷയം നാഥൻ പ്രതിപാതിച്ചിട്ടുണ്ടല്ലോ ! "ഹൃദയം ദേവാലയം" എന്ന ഭാരതീയ ചിന്തയായിരുന്നു യേശുവിനും ! മനസ്സാകുന്ന അറയിൽകയറി ഇന്ദ്രിയങ്ങളാകുന്ന വാതിലുകൾ   അടച്ചതിനുശേഷം, അവിടെ ജീവനുറവയായ ദൈവത്തെ [ബോധചൈതന്യത്തെ] സ്വയം അനുഭവിച്ചറിയുവാനും, ആ ''സത്യസ്യ സത്യവുമായി'' അലിഞ്ഞു. സ്വയംമനസെന്ന പ്രതിഭാസം ഇല്ലാതെയാകുവാനും, അങ്ങിനെ നാം ദിനവും                             [ സ്വർഗീയരാകുവാനും ], ക്രിസ്തു നമ്മെ പഠിപ്പിച്ചത് മറക്കരുതേ !

 " open church "എന്ന ആശയം,  ഈ ദൈവത്തെ അറിയാത്ത, സ്വയം ദൈവമാകുന്ന പൗരോഹിത്യത്തിന്റെ അടിമത്തത്തിൽ നിന്നും [ആടുകൾക്ക്] ജനത്തിനു ഒരു വിടുതൽ കിട്ടുന്നതോർത്തൽ വളരെ നല്ലതു തന്നെ ! ''കൂദാശയെന്ന ജനകീയതട്ടിപ്പു'' വീണ്ടും എക്സ് പാതിരിമാർ [എവിടെയും എപ്പോളും] ആവശ്യാനുസരണം ജനത്തിനു [സഭാഭേധം ഇല്ലാതെ] ചെയ്തു കൊടുക്കപ്പെടുന്നതും നല്ലതുതന്നെ ! കാരണം, നാടുനീളെ  നാനാസഭകളും നാനൂറുപള്ളിവീതം പണിയുന്ന ഈ  "പള്ളിപണിമത്സരം" നാളെമുതൽ ഒന്ന് നിന്ന് കിട്ടുമല്ലോ! ''ദൈവഭക്തി'' എന്തെന്നറിയാതെ  'പള്ളിഭക്തനായി' ഒരുവന് ഇനിയും ജീവിക്കുവാൻ ഇന്നത്തെപ്പോലെ ഇനിയും ഇത്രയേറെ പണവും പിരിവും വേണ്ടല്ലോ എന്നതും , പാവംജനത്തിനു ആശ്വാസകരം തന്നെ ! കുമ്പസാരമെന്ന പാതിരിമാരുടെ ''പെണ്മനക്കൊള്ള'' ഈ എക്സ് പാതിരിമാർ, പണ്ടത്തേ മാതിരി തുടരാതിരിക്കാൻ സംഘാടകർ പ്രത്യേകം ശ്രദ്ധിക്കണം ! ഈ സംഘടനയും കർത്താവിനെ മറന്ന് പുതിയ പള്ളികളും കാനോൻനിയമങ്ങളും ഉണ്ടാക്കാൻ  ചിന്തിക്കുക കൂടി ചെയ്യരുതേ .....നാടായ നാടാകെ വാടകയ്ക്ക് 'ഹാളുകൾ' ലഭിക്കുമ്പോൾ നാം എവിടെ ഒത്തുചേർന്നാലും അവിടവും, നമ്മുടെ ഹൃദയങ്ങളും, ഹൃദയത്തിൽ വിരിയുന്ന പ്രാർത്ഥനകളും, കൂദാശകളും വിശുദ്ധമായിരിക്കുമല്ലോ! നാമെല്ലാം ''രാജകീയ പുരോഹിതരാണെന്ന'' മർമ്മം മറക്കരുതേ ജനമേ!  

''പെണ്മനക്കൊള്ള'' എന്ന കത്തനാരുടെ കുബുദ്ധിയിൽനിന്നും ഉണർന്ന കുമ്പസാരമെന്ന ''കൂദാശക്കൊള്ള'' പറഞ്ഞപ്പോൾ ഒരു സംഭവകഥ കുറിക്കുന്നിവിടെ ! കഴിഞ്ഞയാഴ്ച ഒരു പാതിരി എന്നോടുള്ളു തുറന്നതാണിത്, കുമ്പസാരത്തെപ്പറ്റി! ഞങ്ങളുടെ കൊല്ലം ഭദ്രാസനത്തിലെ ഒരു കാളക്കത്തനാർ കുമ്പസാരിപ്പിച്ചു കുര്ബാനകൊടുത്ത ഒരു 24 കാരിയെ, കുർബാന കഴിഞ്ഞു അടിച്ചുമാറ്റി ഹരിപ്പാടിനടുത്തു NH47 ന്റെ ഓരത്തു  പട്ടാപ്പകൽ അമേരിക്കയിലെപ്പോലെ / റോമിലെപ്പോലെ കാറിൽത്തന്നെ 'മണിയറ' തീർത്തതും, പോലീസ് കത്തനാരെയും പെണ്ണിനേയും നാട്ടുകാരുടെ ഇടപെടീൽ കാരണം അറെസ്റ് ചെയ്തതും ലോകമാകെ മീഡിയായിൽകൂടി അറിഞ്ഞതാണല്ലോ ! ആ വിശുദ്ധനെ കൊല്ലം മെത്രാൻ മുംബൈക്ക് അയച്ചു  ! ആ പരനാറിപ്പാതിരി അന്നുതൊട്ടിന്നയോളം മുംബൈ പെണ്മയെ കുമ്പസാരിപ്പിക്കുന്നു എന്ന നാണംകെട്ട സംവിധാനമാണ് എന്റെ സഭയിലിന്നും ഉള്ളത് ! ഈ സഭയിലെ ഒരു കത്തനാർ  കഴിഞ്ഞയിടെ ഓരോ കന്യകയെ കുമ്പസാരിപ്പിച്ചു! ആ പുണ്യ നിമിഷത്തിൽപോലും അവനിലെ ആഭാസനെ നിയന്ത്രിക്കാൻ അവനു കഴിഞ്ഞില്ല എന്നതാണ് സത്യം! അവന്റെ ഒരു കൈ അവളുടെ നെറ്റിയിൽ  കുരിശു വരയ്ക്കുമ്പോൾ മറുകൈ---- കണ്ണേ മടങ്ങുക !   അവളിതാരോട് പറയും? അന്നേരം അവന്റെ ചെവിക്കന്നത്തിനിട്ടു ഒന്ന് കൊടുക്കാൻ അവളിലെ ''അമ്പല'' സമ്മതിച്ചുമില്ല ! ഒടുവിലവൾ സഭയിലെ കത്തനാരന്മാരെ സ്ഥലത്തെ മാറ്റുന്ന സെക്രട്ടറിക്കത്തനാരോടീ 'ദുരവസ്ഥ'വിവരിച്ചു!     ആ കത്തനാരുടെ ഹൃദയമറിയുന്ന ഒരു കത്തനാരായണീ സംഭവകഥ എന്നോടൊരു കുമ്പസാരംപോലെ പറഞ്ഞതും ,സത്യം ! ''കേൾപ്പാൻ ചെവിയുള്ളവൻ കേൾക്കട്ടെ'' ! 

കർത്താവറിയാതെ കത്തനാരുണ്ടാക്കിയ കാനോൻ നിയമങ്ങൾ ഇതാ കാലത്തികവിങ്കൽ എക്സ് കത്തനാരന്മാർ തന്നെ ഇല്ലാതെയാക്കുന്നു ! ഇതുകണ്ട്  ക്രിസ്തു ആദ്യമായി പുളകിതനാകുന്നു, നാനാസഭകളുടെ കുരിശിൽക്കിടന്നുകൊണ്ട്! സഭകളുടെ കൊടുംചതികുഴിയിൽ അകപ്പെട്ടു കന്യാമഠങ്ങളുടെ ഇരുളറകളിൽ വിതുമ്പുന്ന പെൺമനസുകളെ , ഇതാ വെളിച്ചത്തിന്റെ കിളിവാതിൽ നിങ്ങൾക്കായി കാലം തുറന്നിരിക്കുന്നു! ''മാറ്റുവീൻ വേഷങ്ങളെ'' മനുഷ്യരെ പോലെ നിങ്ങളും ജീവിക്കുവീൻ ! ഏദനിലെപ്പോലെ ഏകനായി ജീവിക്കാതെ പുരോഹിതരെ, പുറത്തുവരുവീൻ...... ''ജീവിതമെന്ന സ്വർഗ്ഗകവാടം'' വഴിയും സത്യവും ജീവനുമായവൻ തുറന്നിരിക്കുന്നു! samuelkoodal