പട്ടംകൊടയ്ക്കു പാട്ടയടി!

നാട്ടിലെ തൊട്ടീച്ചാടിപിള്ളാരെ തിരഞ്ഞുപിടിച്ചു പൗരോഹിത്യമെന്ന ''പട്ടം'' കൊടുക്കുന്ന പട്ടംകൊടയെന്ന കൂദാശയെ, കാലം പാട്ടയടിച്ചു അപമാനിക്കുന്ന കാലം അരികെയരിക്കയരികെ!   

സഭയിലെ വിവരമുള്ളൊരു മെത്രാൻ, ഒരു പയ്യനെ ''നീ  പൗരോഹിത്യത്തിന് കൊള്ളുന്നവനല്ല'' എന്ന് പറഞ്ഞു ,ദയറായിൽ നിന്നും ആട്ടിയോടിച്ചുവെങ്കിൽ, ആ സഭയിലെ മറ്റൊരുമെത്രാൻ അവനെ മാറോടുചേർത്തു മുത്തംകൊടുത്തു റമ്പാനാക്കുന്നു!  

സോദോമ്യ പാപിയായ അവൻ  [കത്തനാർ] കുറ്റവാളിയായി പിടിക്കപ്പെട്ടപ്പോൾ വിഷം കഴിച്ചു, മരണം സ്വയംവരിക്കാൻ ഒരുങ്ങിയപ്പോൾ, സഭയുടെ ആശുപത്രിയിൽ vip ആക്കി ചികിൽസിച്ചു ഉയിർത്തെഴുനേൽപ്പിക്കുന്നു! ഇനിയുമാരും അവനെ തോണ്ടാതിരിക്കാൻ, റമ്പാൻ പട്ടവും ഉടനെ അവനു പ്രേമത്തോടെ സമ്മാനിക്കുന്നു! അതിയാനുടനെതന്നെ സഭയിലെ ഒരു മെത്രാനുമാകും ! പയ്യൻ  ചൊട്ടയിലേ ചുണകുട്ടനാകയാൽ, കാതോലിക്കാസിംഹാസനവും  ഇവൻ കരസ്ഥമാക്കും! അങ്ങിനെ ഒരു ''പരിശുദ്ധ ഹോമോ കാതോലിക്കാ''  സഭയെ നയിക്കുന്ന കാലം അരികെയാകയാൽ എനിക്കൊന്നു കണ്ണടച്ചാൽ മതിയായിരുന്നു,  ഞാൻ സ്നേഹിച്ചിരുന്ന എന്റെ സഭയുടെ സർവനാശം കാണാനിടയാകാതെ, എന്നാണെന്റെയാഗ്രഹം!  

ഈ റമ്പാൻ പണ്ട് വാണരുളിയ  ഒരു  പള്ളിക്കാരും  ഇയാളും തമ്മിൽ കേസുകൾ [ഒരു യുവതിയുടെ ആത്മഹത്യ] കോടതിയിലുണ്ടെന്നുമുള്ളതാണ് ഇന്നത്തെ സുവാർത്ത!   തുടർന്നെഴുതാൻ പേനായ്ക്കൊരു നാണം! 
''ഇനിയും പുഴയൊഴുകും, ഇതുവഴി ഇനിയും കഥകൾ ഒഴുകിവരും''! 
samuelkoodal 9447333494